kailan ba maghihilom?

bibig man ay nakatikom
sugat ay di pa naghihilom
sakit ng pagkabigo
sa puso ay tinatago

nakayuko ang mga mata
ayokong may makakita
kaluluwa ay lumuluha
lihim na nagdurusa

ayaw kitang sabihan
takot akong inyong malaman
mga pighati't kabiguan
mga pangarap na binitawan

huwag mo akong kaawaan
sususbukan kong kalimutan
ng hindi na masaktan
at pait ay di na maramdaman

bukas magkakakulay din ang langit
ibubulong sa simoy ng hangin
na ulap ay hawiin
sa himpapawid, ngiti ay iguhit